Karimlan

Mula sa Multiply ko:

* * * * *

Hindi, hindi kay Nancy Castiglione ulit. Napagtripan kasi ako ng aking kaibigan, kapwa manunulat, ka-batch sa LIRA 2007, at isang magaling na makata na si Rogerick Fernandez — iinterbyuhin daw niya ako para sa blog niya. Pinaunlakan ko naman kahit di ko alam kung tungkol saan ang pag-uusapan.

Mababasa rito ang panayam.

Lumalabas na ang panayam niya sa akin ang unang edisyon sa kanyang bagong “proyekto.” Takte, hindi ko alam na ‘yun pala ang magiging pamagat ng proyekto ni Rhodge (basahin na lang ang interbyu para malaman kung ano). Hehehe. Pero h’wag malinlang sa pamagat ng panayam — may lalim ang mga napag-usapan namin, kasama na siyempre ang literatura.

Heto ang ilang sipi mula sa interbyu.

Tungkol sa aking pseudonym/online handle:

Rhodge: Teka, pag sine-search kita sa Internet, synonymous sa name mo ang The Corsarius. Ano ba ung term na ito?

Phillip Kimpo Jr.: Ah. Mahabang kuwento iyan. Una, ang Corsarius ay Latin ng salitang “corsair”, o pirata.

Rhodge: OK. Captain Hook, ikaw ba yan? Hehe!

Phillip Kimpo Jr.: Nakahiligan ko itong salitang ito noong high school ako. Alam mo na, iyong punto ng buhay natin na naghahanap tayo ng maayos na online nickname para sa YM at ano pa.

Una kong nabasa ang salitang “Corsarius” sa isang nobelang sci-fi. Noong high school ako, wala pa masyadong kahalagahan ang nickname na iyon para sa akin. Wala lang, “cool” at unique lang. Pero habang tumatanda ako ay nabibigyan ko na siya ng mas malalim na kahalagahan at kahulugan. Para bang “retrofitted” ang meaning.

Mas malalaman ‘yon sa isang sanaysay ko sa tinatapos kong aklat ng mga kuwentong personal, ang Corsair of Cordillera Street.

(more…)

Ang aming press release:

* * *

Lumabas na po ang ikalawang isyu ng Bulawan Online, tampok ang mga tula, pagsusuri, at panayam nina Charles Tuvilla, Phillip Kimpo Jr., Roberto T. Añonuevo, Michael M. Coroza, Vim Nadera, at Virgilio S. Almario.
Magpunta lamang po sa www.bulawanonline.com.

Mula sa mga editor:

ISYU BLG. 2, TOMO 1. Ipinagmamalaking ilathala ng Bulawan Online sa isyung ito ang katangi-tanging mga akdang pampanitikan sa mga buwan ng Agosto-Setyembre 2008.

Mga sipi mula sa mga akda:

Estetika at Pagtanaw hinggil sa Dalawang Lungsod, pagbása ni Roberto T. Añonuevo sa mga tula nina Charles Tuvilla at Phillip Kimpo Jr.:

Maaaring tanawin ang lungsod sa iba’t ibang paraan, at isa sa rito ang pagtatanghal sa punto de bista ng isang tagalungsod na dumadama sa loob ng lungsod at tumatanaw papalabas ng sakop nito at tanging siya lamang makababatid. O kaya’y tingnan ang lungsod mula sa labas nito, nang sa gayon ay mabatid ang kabuuan ng lungsod na hindi mababatid ng tao na nasa loob nito at ang sipat ay limitado. Ang ganitong pagtanaw hinggil sa lungsod ang ipinamamalas ng mga tulang “Sa Unang Ulan ng Mayo” ni Charles Tuvilla at “Talà” ni Phillip Kimpo Jr.

(more…)

Ang inyong di-lingkod ang magsisilbing head panelist sa gaganaping The UP Parser Writing Workshop mamayang hapon/gabi sa UP Diliman.

Aba, mukhang sa pagkakataong ito ay magiging ‘inyong lingkod’ ang ‘inyong di-lingkod’. Sana’y maging matagumpay.

Ang mga karagdagang detalye tungkol sa workshop ay nasa Multiply blag ko.

Kokopyahin ko na lang ang isinulat ko sa aking Multiply blag:

* * * * *

Ito ang pinagkaabalahan namin nina Ia, ser Rio Alma, at iba pa nitong mga huling linggo. Mula sa Panitikan.com.ph:

JUNE 22, 2008

BULAWAN ONLINE LAUNCHED

At his lecture in UP Diliman last June 19, National Artist for Literature Virgilio Almario was glad to launch a new website: bulawanonline.com. He serves as chief editor while Roberto T. Añonuevo, Romulo P. Baquiran Jr., Michael M. Coroza, Vim Nadera and Fidel Rillo serve as co-editors. Phillip Kimpo Jr., Sophia Lucero, Eilene Narvaez and Ernanie Rafael are the staff members.

Bulawanonline.com gets its name from Bulawan, a refereed quarterly journal published by the National Commission on Culture and the Arts. The NCCA is also one of the major forces behind panitikan.com.ph.

The maiden issue features works and commentary by Nikka Osorio, Roberto T. Añonuevo, Ronald A. Atilano, Romulo P. Baquiran, Jr., Michael M. Coroza and Virgilio S. Almario himself. Visit the new site here: http://bulawanonline.com/.

Ayun. Nailunsad na po ang bagong premyadong lit journal, ang Bulawan Online. Ilang mahahalagang links:

• Unang isyu
• Tungkol sa Bul-Ol
• Kung paano magpasa ng mga akda

Sa mga seryosong manunulat at makata (special mention: mga kasama kong LIRA Fellows noong 2007, mga bagong LIRA Fellows ngayong 2008, at mga kasama kong UST National Writers Workshop Fellows), inaanyayahan ko kayong magpasa ng mga tula, maikling kuwento, salin, at pagsusuri.

* * * * *

Basahin ang buong blag post ko sa Multiply.

Mula sa aking Multiply blag:

Nabanggit ni ser Cirilo Bautista sa kanyang kolumn sa Philippine Panorama (ng The Manila Bulletin) ang mga Fellows ng kakatapos lang na 9th UST-CCWS National Writers’ Workshop.

Por reperens: Mayo 11, Linggo lumabas ang column. Sana’y meron sa mga Fellows ang mag-scan ng artikulo (”Prose and the UST Writers Workshop”); ang pangit ng mga retrato ko e hehe.

Para makita lahat ng retrato ng mga press release, magtungo sa aking Multiply sayt.

Kakabalik lang ng aking mga blags mula sa impiyerno ng kawalang-password at ilang nawawalang posts. Letseng mga hacker ‘yan. May mga comments na nawala pero layp goes on.

Salamat uli kay Ia sa napakalaking tulong.

Naroon ang mga pangalan naming mga Fellows. Wrong ispeling ‘yung akin, pero hindi naman malala.

Makikita ang scan ng press release sa aking Multiply account.

Kakatapos ko lang ibangon ang aking mga blag sa lubos na katarantaduhang dulot ng malawakang automated na paghahack ng mga WordPress at PHP-based sites.

Peste.

Dalawang gabi kong inayos ang isang dosenang blag, nilinis ang daang-daang files sa server, inupgrade ang WP versions, sinuri ang MySQL databases, at nag-back-up ng aking buong web host account.

Peste.

(Salamat pala kay Ia na nag-abiso sa akin tungkol sa lubos na katarantaduhang nagaganap sa aming mga sayt.)

Mula sa aking Multiply account:

Nitong Lunes ng umaga ay nakatanggap ako ng tawag mula sa University of Santo Tomas Center for Creative Writing and Studies (UST-CCWS).

Ang nakasagot ng telepono ay ang aking ama, na akala ay ahente ng Value Vision / Home TV Shopping ang tumatawag. Kaya naman ang sabi niya, “Ay, tulog pa siya.”

Buti na lang at narinig niya ang mga salitang “UST” at “Writers”, kaya ayun, humangos na sa kuwarto ko.

Magandang balita pala — natanggap ako sa 9th UST National Writers Workshop para sa kategoryang English Creative Nonfiction (English essay). Kinse ang buong bilang ng mga Fellows para sa tula, maikling kuwento, at sanaysay sa parehong Filipino at Ingles.

Sa unang linggo daw ng Abril ang aming orientation, at sa Abril din yata (o Mayo?) idadaos ang workshop….sa Baguio City.

Sa maniwala kayo’t hinde, isang beses pa lang ako nakaakyat ng Baguio, at ‘yun ay noong bata pa ako. (Kadalasan ay patimog ang mga paglalakbay ko sa Pinas — Aklan, Region 4, Cebu, GenSan). Sobra sa isang dekada na ang nakaraan!

Hay. Pagkatapos ng Tagalog at tula (sa LIRA workshop), Ingles at prosa naman. Bring it on!

Update: Kakaalam ko lang na natanggap din pala ang isa sa mga kasama kong LIRA Fellows ng Batch Sidhay, si Christine Magpile. Sa Filipino Creative Nonfic naman siya. Congrats, Christine! Nanalo sa DLSU Ambahan contest at ngayon naman ay USTe workshop. ‘Yan ang tunay na “on a roll!”

Maraming salamat pala sa mga kamag-anak at kaibigan na bumati sa akin doon sa Multiply, hehehe!

Lagi kong nakaliligtaang ipaskil sa blog na ‘to: Buhay at sumisipa* na po ang aking Multiply account na pinamagatang Ang Ika-Ilang Blag ni Phillip Kimpo Jr. (Di man lang pinagana ang imahinasyon!)

Doon matatagpuan ang imbakan ng aking mga retrato/photo/pic, pati na rin ang iba pang kabalastugan.

Bisitahin ang aking Multiply account.

*Napakapangit na pagsasalin.

May kumilala po sa akin bilang isa sa Top 45 probloggers ng ating bansa. Sa mga hindi pa nakakaalam, ang Pilipinas ang isa sa pinakamalakas na bansa pagdating sa blogging at “professional blogging”.

Maraming salamat kay Ginoong Michael.

Ilang oras na lang at matatapos na ang Palihan 2007 ng Linangan ng Imahen, Retorika, at Anyo. Dehins akong makapaniwala. Matatapos na! E samantalang noong Hunyo ay hindi ko pa nga alam kung tatapusin ko ang Palihan. (Buti na lang…)

Kung makakapunta kayo, pumunta kayo:

LIRA Fellow’s Night 2007 at Folio Launching

7-9 ng gabi, Disyembre 11 (Martes)

Conspiracy Bar, Visayas Avenue, Quezon City

Bisitahin ang aking blog sa Ingles para sa pubmat at preview ng aming SIDHAY folio. Mula naman kay Xta:

Kayo po ay malugod na inaanyayahan ng mga kasapi at kasalukuyang fellows sa pagdiriwang ng ika-22 taon ng pagkakatatag ng Linangan sa Imahen, Retorika at Anyo (LIRA), isang organisasyon ng mga makatang masigasig na nagsusulat sa wikang Filipino. Ito ay sa darating na ika-11 ng Disyembre sa Conspiracy Bar.

Kasama sa nasabing pagdiriwang ang paglunsad ng literary folio ng SIDHAY batch (lira fellows ‘07). Ang koleksyong ito ay ilan sa mga nabuong tula ng bawat fellow matapos ang mga lecture at palihan na nagsimula noong Hunyo sa kasalukuyang taon. Magpatangay sa parikala at taludtod nina: Christa De La Cruz, Rogerick Fontanilla Fernandez, Kel Juan, Christine Magpile, John Montoya, JC Sola, Guia De Leon, Pau Hernando, Phillip Kimpo Jr., Alev Maniago at Por Requinto.

Isinilang ang LIRA noong Disyembre 15, 1985 sa opisina ng ngayo’y Pambansang Alagad ng Sining para sa Panitikan Virgilio S. Almario, (mas kilala bilang Rio Alma) sa Adarna House, Quezon City, nagkasundo ang siyam na batang makata — sina Rowena Gidal, Edwin Abayon, Dennis Sto. Domingo, Ronaldo Carcamo, Danilo Gonzales, Vim Nadera, Ariel Dim. Borlongan, Romulo Baquiran, Jr. at Gerardo Banzon na magtagpo tuwing Sabado nang hapon para sa madugong pagsipat sa kanilang mga tula. Tinawag nila itong Rio Alma Poetry Clinic. (reference)

Sana’y marami kaming makapagtapos (sorpresa na lang daw kung sino-sino ang makatatanggap ng sertipiko). At…sana’y lahat ng magtatapos ay maging kasapi ng LIRA (oo, hindi ‘yon awtomatik!).

At ito’y matatagpuan sa Phillip.Kimpo.ph.

Maraming salamat kay Ia para sa disenyo at kay JC para sa retrato.

Nanalo po ang aking mabuting kaibigan na si Pau Hernando sa Timpalak DFPP ng UP Diliman, sa kategoryang Panunuring Pampanitikan.

Congrats uli, Mandy! Gaya ng sabi ni JC, premyado na ang ___! Hehe.

May magpapainom bukas sa UP Writers’ Night!

Para sa kung sinumang mapadaan na kamag-anak ko o kapwa Aklanon: bukas na po ang Kimpo.ph websayt. Ah, pati rin pala ang Kimpo 2008 International Reunion blag.

Ang ilang detalye tungkol sa pagpapasinayang ito ay matatagpuan sa Crimson Crux.