Mula St. Luke’s, Mula Malolos
Naging matagumpay ang minor operation sa aking ama nitong Sabado sa St. Luke’s. Maraming, maraming salamat sa mga bumisita at nangamusta, kamag-anak at kaibigan (special mention sa mga ka-Uste Fellows ko).
Grabe rin ang tatlo’t mahigit na araw namin sa ospital. Nakakapagod. Kaunti lang ang naging tulog ko mula Biyernes hanggang Lunes. Pagkadischarge pa ni Dad mula St. Luke’s, kumaripas ako tungong UP Diliman para sumabay sa motorcade ng National Artist for Literature Virgilio S. Almario (Rio Alma). Pinarangalan si ser Rio sa Malolos, Bulacan. Magtatakipsilim na nang umuwi kami, at inabutan kami ng bagyo. Sa Sarah’s Beer Garden sa Diliman na namin pinatila ang ulan (na di naman tumila).
Saka na lang muna ang mga retrato. Pahinga ang kailangan ko ngayon.