Karimlan

Matatagpuan sa aking Multiply ang mga pics ng UP Parser Writing Workshop, kung saan nagsilbi ako bilang head panelist.

Isang pagmamalabis, pero gets niyo na ang ibig kong sabihin. Eto na naman ako sa pagiging adik sa mga libro.

Nitong huling linggo (Linggo hanggang Sabado), heto ang mga babasahing binili ko mula sa Booksale, Books for Less, at UP Shopping Center. Karamihan ay mura, may ilang may kamahalan, at may ilang libre (bahagi ng promo sa Books for Less).

CREATIVE NONFICTION
Kathleen Norris & Robert Atwan (eds.), The Best American Essays 2001, Php 198
Jamaica Kincaid & Robert Atwan (eds.), The Best American Essays 1995, Php 148

POETRY
Yevgeny Yevtushenko, Bratsk Station and Other New Poems, Php 125
Jonathan Galassi, North Street and Other Poems, Php 70
Willaim Goodreau, The Many Islands, Php 40
Karen Snow, Wonders, Php 40
A.R. Ammons & David Lehman (eds.), The Best American Poetry 1994, Php 110
Karol Wojtyla (trans. Peterkiewicz), Easter Vigil & Other Poems, Php 248
Norman Dubie, Groom Falconer, Php 98

ANTHOLOGY (SHORT FICTION)
Andrea Barrett (ed.), Ploughshares Fall 2007, Php 40

HISTORY
Ralph & Adelin Linton, Man’s Way from Cave to Skyscraper, Libre (Php 49)

SCIENCE FICTION & FANTASY
Eric Van Lustbader, Mistress of the Pearl, Php 65
Rebecca Ore, Being Alien, Libre (Php 20)
L. Neil Smith, Lando Calrissian and the Flamewind of Oseon, Libre (Php 49)

MISCELLANEOUS
Advanced Dungeons & Dragons Rulebook (Players Option: Combat & Tactics), Libre (Php 20)
David Messett, Seven Days in Sydney, Libre (Php 20)

MAGAZINES
Western Art Collector March 2008, Php 100
Sculpture January/February 2008, Php 90
Sculpture April 2008, Php 90
Popular Science October 2007, Php 100
Scientific American February 2008, Php 65
Raw Vision Spring 2008, Php 65

Unang beses ko kaninang mapadpad sa Ortigas Foundation Library. Doon kasi ginanap ang mga panayam nina ser Marne Kilates at ser Michael Coroza tungkol sa pagsasalin (translation), bilang bahagi ng LIRA Klinikang Pampanulaan 2008.

Ilang buwan ko na ring napupusuan ang pagsasalin ng mga tula (Ingles tungong Filipino at bise bersa), ngunit kakaunti pa lang ang mga naging produkto ko. Ang mga panayam sa pagsasalin ngayong taon ang ilan sa mga pinaka-inabangan kong panayam sa LIRA. (Noong nakaraan taon ay sa UST ginanap ang panayam sa pagsasalin.)

Maganda pala talaga ang aklatan. Dehado nga lang sa lamig ng aircon nito ang mga may trangkasong tulad ko. (E bakit kasi pumupunta nang may sakit! Hehe kinaya naman.)

Pagkatapos ng araw ay dumeretso kami ng mga kasama kong Dapitan-Diliman fellows (UST NWW Fellows na nakapag-LIRA) sa Robinsons Galleria para sa hapunan slash bonding. (Kasama rin si Carla, kaibigan ni Ynna sa MA sa Uste.) Maraming napag-usapan…outings, book projects, at kung ano pa.

Mukhang magiging busy kami nito sa mga susunod na buwan.

Noong Martes, pumunta ako ng UP Diliman para magpa-print at magpa-xerox ako ng mga gagamiting dokumento ng mga fellows ng kauna-unahang The UP Parser Writing Workshop. (Sira kasi ang printer ko.)

Ginamit ko na rin ang pagkakataon upang dumalaw sa bilihan ng mga gamit na aklat sa Shopping Center. Kasama ng isang bagong UP sling bag at UP t-shirt (waw, loyal na loyal a, di bale ang napipintong 1-13 record sa UAAP Men’s Basketball), nakahanap ako ng isang hiyas ng panitikan.

Nabili ko ang Bratsk Station and Other New Poems ng Rusong makatang si Yevgeny Yevtushenko sa halagang Php 125. Hardbound, may mahigit 200 pahina, nasa magandang kondisyon, at lumabas noong 1967.

Sa madaling salita, sulit. (Para sa akin ha.)

Lalo pa akong “nasulitan” sa aking bagong libro nang naibulalas ng may-ari/tindero ng bookshop, “Sa wakas, may bumili na rin niyan!”

Dagdag pa ni Manong, “Ang ganda-ganda niyan e!” At saka siya nagkuwento kung gaano kamahal ang Bratsk Station nang una niya itong nabili (Php 600 daw), kung paano siya nagreklamo sa kanyang kasosyo (asawa? kamag-anak?) dahil ibinenta lang ito sa halagang Php 125, at kung paano sinagot ang kanyang protesta (”Wala na ngang bumibili niyan kaya dapat murahan!”).

Sa madaling salita: na kay Phillip Kimpo Jr. na ang aklat.

Ang inyong di-lingkod ang magsisilbing head panelist sa gaganaping The UP Parser Writing Workshop mamayang hapon/gabi sa UP Diliman.

Aba, mukhang sa pagkakataong ito ay magiging ‘inyong lingkod’ ang ‘inyong di-lingkod’. Sana’y maging matagumpay.

Ang mga karagdagang detalye tungkol sa workshop ay nasa Multiply blag ko.

(Galing sa aking Multiply.)

Laking gulat ko kaninang tanghali nang nabasa ko ang pinakahuling sanaysay ni Ginoong Roberto Añonuevo sa kanyang blog. Sa Estetika at Pagtanaw hinggil sa Dalawang Lungsod, sinuri ni sir Bobby ang dalawang tula, at ang isa ay ang aking Talà, isinulat noong Marso 2007 at isinabak sa Palihan sa LIRA noong Agosto 2007.

Bago kay sir Bob ay wala pang nakapagsusulat ng pagsusuri sa aking mga akda, sa Ingles man o sa Filipino, kaya doble ang gulat at tuwa (gulatuwa?) kong naramdaman na ang unang beses ay mula sa isa sa mga pinakabatikan at tinitingalang manunulat sa Pilipinas.

Ilang sipi/excerpt mula sa nasabing sanaysay:

Maaaring tanawin ang lungsod sa iba’t ibang paraan, at isa sa rito ang pagtatanghal sa punto de bista ng isang tagalungsod na dumadama sa loob ng lungsod at tumatanaw papalabas ng sakop nito at tanging siya lamang makababatid. O kaya’y tingnan ang lungsod mula sa labas nito, nang sa gayon ay mabatid ang kabuuan ng lungsod na hindi mababatid ng tao na nasa loob nito at ang sipat ay limitado. Ang ganitong pagtanaw hinggil sa lungsod ang ipinamamalas ng mga tulang “Sa Unang Ulan ng Mayo” ni Charles Tuvilla at “Talà” ni Phillip Kimpo Jr.

…[W]alang sermon ang mahihiwatigan sa tulang ito. Matipid ang paglalarawan, na tinumbasan ng pambihirang salaysay hinggil sa karanasan ng bata.

…[S]inasampal tayo ng tula dahil nag-iiwan na tayo ng basurang materyal ay pinalalawak pa iyon sa pagdaragdag ng mga basurang may kaugnayan sa kaisipan, halagahan, at pagkamamamayan. Sa unang malas ay payak ang tulang “Talà” ngunit ang uuriin nang maigi’y hinahatak tayo nito na sipatin ang ating kalagayan nang higit sa nakagawian, at tumanaw sa malayo at abutin ang mga pinapangarap na bituin.

Bisitahin ang Alimbukad ni sir Bobby para sa buong sanaysay at mga tula namin ni Charles.

Heto na naman ako sa pagiging bibliomaniac. Tatlong aklat nitong mga huling araw. Ang unang dalawa’y bili sa TriNoma:

FICTION
Milan Kundera, Slowness, Php 120

HISTORY
Donovan Webster, The Burma Road, Php 140

At ang isa pa’y bigay ni Ynna Abuan; pagka-pasada ko kasi, napagtanto kong kailangan kong mapag-aralan ang istilo ng pagsusulat na ‘to. Ika nga ni Ynna, mas madalas na ‘aggressive’ ang pagsusulat ko. Walang masama doon (at bagkus ay masarap nga raw basahin ang wordplay), ngunit gusto ko ring mahasa sa malumanay na pagsusulat sa genre na pinaka-gamay ko.

CREATIVE NONFICTION
David Mas Masumoto, Epitaph for a Peach, (Php 15)

Nakakalimutan kong ikuwento sa blag na ‘to…naubos ko na ang mga pahina ng una kong moleskine notebook, si Karimlan. Mga isa’t kalahating taon din bago ko ‘yun matapos. Marami-rami rin ang binigay sa akin ni Karimlan: sangkatutak na tula, kuwento, at sanaysay (ang isa’y nalathala sa diyaryo), at siyempre ang mga tala ng kinuha ko noong LIRA Poetry Clinic 2007.

Dumating na rin pala ang kapalit na moleskine, si Katas. Basahin ang post ko sa Crimson Crux tungkol dito.

(Na naman? Eto na ang ikaapat na sale na napuntahan ko sa loob ng dalawang buwan.)

Kaninang hapon ay nadagdagan ulit ang aking to-read pile. Kanina sa pulong ng mga editor at staffer ng Bulawan Online, binigyan ako ni sir Rio Alma ng libreng kopya ng kanyang bagong aklat (malaki, glossy, at kabilang sa UP Centennial Edition):

Francisco Balagtas (ed. Virgilio S. Almario, trans. Marne Kilates), Florante at Laura, cardboard cover

Presyo: di ko naitanong. Tantsa ko’y Php 500-1500.

At mula naman sa Booksale sa SM North EDSA:

CREATIVE NONFICTION
Ed. Kevin Smokler, Bookmark Now: Writing in Unreaderly Times, Php 70

SCIENCE
Richard Stone, Mammoth: The Resurrection of an Ice Age Giant, Php 70

REFERENCE
Janet Burroway, Writing Fiction: A Guide to Narrative Craft 3rd Ed., Php 70

ALTERNATE HISTORY
Harry Turtledove, The Great War: American Front, Php 70, proof copy

POETRY & LITERARY ANTHOLOGIES
Georgetown Review Spring 2007, Php 70
Ed. Michael Spring, A Collection of Prose and Poetry on the Theme of Values, Php 70

MAGAZINES
Bidoun (Arts and Culture from the Middle East) Winter 2008, Php 90
The Writer August 2007, Php 65
FineScale Modeler January 2007, Php 65
Great Scale Modeling 2008, Php 90
Airports of the World Jan/Feb 2008, Php 90

Kakatapos ko lang manood ng limang oras na Wimbledon Men’s championship. Tinalo ni Rafael Nadal ang 5-time champ na si Roger Federer.

Isa raw sa pinakadakilang laban ‘yon sa kasaysayan ng tennis.

Mali — ‘yon pala ang pinakadakilang laban sa kasaysayan ng laro.

6-4, 6-4, 6-7, 6-7, 9-7. Puro deuce at tiebreak.

Idolo ko na si Nadal.

(Sa halos wala pang isang buwan, tinadtad ko na naman ang pitaka ko ng mga ‘murang’ aklat. Exhibit A, Exhibit B. Heto ang Exhibit C.)

Heto ang mga aklat kong nabili kaninang hapon sa huling araw ng sale ng UP Press (para sa Centennial ng Unibersidad):

NON-FICTION
Deja Vu and Other Essays, Marra PL. Lanot; 1999; Php 162 (mula 270)
The University of Experience: Essays on the 82nd Anniversary of the University of the Philippines, ed. Belinda A. Aquino; 1991; Php 50 *
Stapled! and Other Experiences, Pacifico N. Aprieto; 1991; Php 30

POETRY
Poetika/Politika: Tinipong mga Tula, Bienvenido Lumbera; 2008; Php 180 (200)
Onyx, Romulo P. Baquiran Jr.; 2003; Php 88 (mula 110)
Jolography, Paolo Manalo; 2003; Php 200 (mula 250) **
Madia-as, Dominador Ilio; 1994; Php 100 ***

NOVEL
Bulalakaw ng Pag-Asa, Ismael A. Amado; 1991; Php 60 (mula 100) ****

OTHER
The Ophelia A. Dimalanta Reader: Selected Prose Vol. 2; 2006; Php 423 (mula 445) *****

* Kaya naman pala 50 pesos, kasi 28 years ago na hehe. Okey na rin, UP nostalgia.
** Dalawang kopya ang binili ko, ‘yung isa pinabili ni Ynna, na mas English poet kaysa sa akin.
*** Ser Ilio, dakilang Aklanon. Tungkol sa mahal kong Aklan (”Madyaas”) ang aklat na ito. Sayang at hindi kami nakapag-usap ni ser bago siya pumanaw.
**** Ang matagal ko nang hinahanap na nobela, isinulat pa noong panahon ng mga Kano. Ibinida ito sa amin ni ser Rio Alma noong LIRA 2007 workshop.
***** Miss ko na si Ma’am Ophie!