Karimlan

Naks ang drama haha. ‘Wag mag-alala. Tungkol lang ‘to sa isports.

Noong isang araw ay mga prediksyon sa NBA Playoffs ang isinulat ko. Ngayon naman ay magluluksa ako para sa sinapit ng aking paboritong koponan, ang Chicago Bulls.

Mula sa artikulo sa ESPN:

Something is wrong in Chicago.

The team that a lot of people picked to win the East this year has become one of the most bitter and miserable franchises in recent memory.

Akin ang emphasis.

Inaamin ko, naging Bulls fan ako nang kapanahunan ni His Airness. Boring choice, di ba? Pero noong natibag na ang pinagpalang koponan nina Jordan, Pippen, Rodman at naging Chicago Boldyaks na lang sila, naging masugid pa rin akong taga-tangkilik ng koponang ‘to. Through thick and thin, ika nga nila sa Ingles.

Kaya naman nang bumalik ang Bulls sa pagiging malakas sa Eastern Conference, laking tuwa ko. Sabi ko sa sarili ko, Eto na, babalik na ulit ang Chicago sa rurok ng NBA. The good ol’ days are baaack.

Tapos ay dumating ang kahihiyan na taong ito. Mula sa pagiging paborito ay lumagpak ang Bulls sa loterya ng NBA Draft.

Ang tanong: Hanggang dito na lang ba ang Chicago? Boldyaks na naman ba tayo?

Ang sagot: Kaya pa raw maglaro ni MJ. Nagawa niyang umiskor ng 40 points nang siya ay 40 taong gulang bilang isang Washington Wizard. Sa isang press release, sinabi ni “God disguised as a basketball player” na yakang-yaka niya umiskor ng 50 points bilang isang 50 taong gulang na Chicago Bull-Again.

Sayang at hindi totoo.

Gusto ko ang komentong iniwan ng isang ESPN reader:

We need some players w/some gonads.

Aprub.

Aba, anong nakain ko at nagsulat ako tungkol sa palakasan! Dati akong manunulat sa tinatangkilik na Basketball Exchange Philippines, kaya nasa dugo ko na rin kahit papaano.

Heto ang aking maikling prediksyon sa kalalabasan ng NBA Playoffs ngayong taon:

Eastern Conference

Boston 4 - Atlanta 0 (masaker)

Detroit 4 - Philadelphia 1 (isa pang masaker)

Orlando 4 - Toronto 3 (Howard vs. Bosh!)

Washington 4 - Cleveland 3 (kung hindi sisirain ni Arenas ang chemistry ng Wiz, at kung hindi mag-amok si LeBron)

Western Conference

LA Lakers 4 - Denver 2 (ganda ng Kobe vs. AI match-up)

Dallas 4 - New Orleans 3 (pero gusto kong maipakita ni Chris Paul ang pagkakamali ko)

Phoenix 4 - San Antonio 3 (ang paghihiganti)

Houston 4 - Utah 3 (kaya ni T-Mac ‘to…sana)

Eastern Semis

Boston 4 - Washington 2 (kahit nahirapan ang Celtics sa Wiz sa regular season)

Detroit 4 - Orlando 2 (di pa ito ang oras para kay Superman)

Western Semis

LA Lakers 4 - Houston 2 (ang isang round ay sobra na para sa Yao-less Rockets)

Phoenix 4 - Dallas 3 (labanan ng mga mag-bespren)

Eastern Finals

Boston 4 - Detroit 3 (tang’nang match-up ‘to)

Western Finals

LA Lakers 4 - Phoenix 3 (sori Shaq, taon ‘to ni Kobe)

NBA Finals

Boston 4 - LA Lakers 2 (da good ol’ days: The Big Three vs Showtime)

Unang beses kong maglathala ng isang prediksyon sa pampublikong espasyo, hehe. Ilan kaya rito ang tatama?

Naroon ang mga pangalan naming mga Fellows. Wrong ispeling ‘yung akin, pero hindi naman malala.

Makikita ang scan ng press release sa aking Multiply account.

Kakatapos ko lang ibangon ang aking mga blag sa lubos na katarantaduhang dulot ng malawakang automated na paghahack ng mga WordPress at PHP-based sites.

Peste.

Dalawang gabi kong inayos ang isang dosenang blag, nilinis ang daang-daang files sa server, inupgrade ang WP versions, sinuri ang MySQL databases, at nag-back-up ng aking buong web host account.

Peste.

(Salamat pala kay Ia na nag-abiso sa akin tungkol sa lubos na katarantaduhang nagaganap sa aming mga sayt.)

Alas-singko na ng umaga nang makauwi kami ng mga magpipinsan mula sa Eastwood. Siyempre, inuman. Ipanema tapos Agave.

Unang beses ko ring natikman ang Absolut Kurant Sprite. (Inosente pa ako sa maraming aspekto ng buhay.) Masarap ang naturang inumin — eto ‘yung tipo ng toma kung saan masarap talagang magpakalasing — pero putris ang mahal. 135 pesos yata bawat maliit na baso (na puno pa ng yelo). Kaya ang gagawin ko, bibili na lang ako sa supermarket ng bote ng Absolut Kurant at ako na ang maghahalo ng Sprite.

Bago pala ang inuman at kuwentuhan, napadaan kami ni Manang Khiara sa A Different Bookstore. (Kung saan kinumpirma ko ang pagiging nerdo ko — inuman ang sadya, tapos sa aklatan napadpad.) Minsan lang kasi ako makapunta sa mga lugar na mayroon ng ganitong bookshop, kaya sinamantala ko na ang pagkakataon. Gusto ko ang seleksyon nila rito ng mga aklat, lalo na sa non-fiction at history.

Ang aking nabitag: The Rise and Fall of Alexandria: Birthplace of the Modern World nina Pollard at Reid. 705 pesos, pero pakiramdam ko ay sobrang sulit.

(Oo, pa-epek lang ang pamagat ng blag post na ‘to.)

Abril 9 na naman pala.

Limang taon na ang nakararaan, may malaking nangyari sa buhay ko. Isang pagkabigo. Korni pakinggan, pero ‘yon ang naging mitsa ng pag-unlad ng aking sarili.

Hay. Limang taon na ang nakararaan. Wala nang halaga para sa akin ngayon ‘yung nangyari noong araw na ‘yon. Ang mayroong halaga ay ‘yung mga ginawa ko para sa aking sarili pagkatapos ng Abril 9, 2003.

P.S. At limang taon ko na rin palang paboritong numero ang 9.