Napakadalang kong banggitin ang pangalan ng Maykapal sa mga blog post; hindi ko istilo iyon. Subalit iba ngayong minutong ito:
Salamat sa Diyos at pinadalhan niya ako ng isang napakagandang panaginip sa aking isang oras na pagtulog. Bittersweet ang panaginip dahil hindi ito magiging realidad kailanman. Pero napakaganda, napakaganda.
Salamat ulit sa Diyos.
Hindi lamang sa tula at kuwento natatagpuan ang aking pagtakas sa mundo.
Pasensya na at sobrang nahuli. Mababasa niyo po ang aking photo-essay (kuno) tungkol sa napakahalagang pangyayaring ito sa Slip of the Pen.
Mabuhay ang UP!
Natuwa naman ako kanina noong nakapag-log-in ulit ako sa aking UP Webmail account. Kahit nga pala alumnus ka na ay hindi ito nawawala sa iyo. Ang tumambad sa akin:
You have 168 unread messages.
Halos lahat ay galing sa Eskwela.com.
Noong Setyembre 2006 ko pa kasi huling nabuksan ang email address kong iyon. Oo, lagpas isang taon na.
Kahapon naganap ang mga ito.
1) Mini-HS reunion ng Sampa ‘02 section ng Pisay, bilang homecoming ng aking malapit na kaibigan na si Minik. Nagbabakasyon siya sa Pinas pagkatapos ng mga abentura sa Singapore. Masaya ang muling pagtatagpo ng mga tao, hehe.
2) Napakalaki na namang ‘development’ sa aking ‘literary career’. Sa UP Diliman naman ito. Pagkatapos ng pulong, parehong kaba at saya ang aking naramdaman. Kaso, sikret muna kung ano ang nangyari!